کاروار:30جون(ایس او نیوز)اترکنڑا ڈپٹی کمشنر ایس ایس نکول نے اطلا ع دی ہے کہ ضلعی انتظامیہ طوفانی ہواؤں اور موسلادھار بارش کو دیکھتے ہوئے ہر مقام پر آفاقی حادثات سے حفاظت کے لئے کنڑول روم اور راحت کاری کیمپوں کا انعقاد کررہی ہے۔

اخباری نمائندوں کوجانکاری دیتے ہوئے انہوں بتایاکہ محکمہ موسمیات کی طرف سےپیشگی جانکاری دی گئی ہے کہ ضلع میں امسال زیادہ بارش ہوگی تو کسی بھی ناگہانی آفات سے نمٹنے کے لئے ضلعی انتظامیہ مکمل تیار ہے اور کنٹرول روم کے ذریعے کڑی نگرانی کی جائے گی۔ گذشتہ کچھ دنوں سے برستی موسلادھار بارش کے نتیجےمیں ضلع میں کافی نقصانا ت ہوئے ہیں۔ 35گھروں کو نقصان پہنچا ہے تو 10جانوروں کی ہلاکت بھی ہوئی ہے۔

انہوں نے بتایا کہ ضلعی انتظامیہ حالات سے نپٹنے کے لئے مکمل طورپر تیار ہے، ضلع کے تمام افسران کو مکمل معلومات اور جانکاری فراہم کی گئی ہے۔ اور بتایا گیا ہے کہ جہاں کہیں بھی حالات خراب ہوں تو اس کو پہلی ترجیح دیتے ہوئے فوری طور پر جائے وقوع پر پہنچ کر راحت کاری کو انجام دیں۔ اور کوئی جانی نقصان ہوتاہے تووہیں پر انہیں معاوضہ کی تقسیم کریں۔ افسران کو ہدایت دی گئی ہے کہ وہ اپنے مرکزی مقام پر موجود رہتے ہوئے اپنے فرائض کو انجام دیں۔ اگر کوئی افسران کاموں میں غفلت برتتا ہے یا سستی سے کام لیتاہے تو اس کو قدرتی آفات نگرانی ایکٹ 2005 کے تحت سزا دی جائے گی۔ ضلع کے تمام اے سی دفاتر، تحصیلدار دفاتر اور مقامی انتظامیہ کے دفاتر میں کنڑول روم کا قیام ہوگا اور وہیں سے وہ کاموں کو انجام دیں گے۔

ڈپٹی کمشنر ایس ایس نکول نے ضلع اُترکنڑا کے مختلف تعلقہ جات کے کنٹرول روم کے دفترنمبرس اور متعلقہ آفسران کے موبائل نمبر بھی عوام کے لئے جاری کئے ہیں، جسے یہاں پیش کیاجارہا ہے۔ انہوں نے عوام الناس سےدرخواست کی ہے کہ وہ کسی بھی ناگہانی حالات کے موقع پر اپنے اپنے متعلقہ کنٹرول روم نمبر میں رابطہ کرتے ہوئے آفسران کو جانکاری فراہم کریں۔ کسی آفسران کے خلاف شکایت دینا ہوں تو ڈپٹی کمشنر نے اپنے دفتر کا نمبر بھی عوام کے لئے جاری کیا ہے، جہاں رابطہ کرکے شکایات بھی درج کراسکتے ہیں۔

ڈپٹی کمشنر ایس ایس نکول نے بتایا کہ 12مقامی انتظامیہ میں بھی کنڑول روم کا قیام عمل میں لایا گیاہے جس کی تفصیل اس طرح ہے۔